Astana mańynda qar qursaýynda qalǵan júkti kelinshek qutqaryldy
ASTANA. QazAqparat - Elordanyń Tótenshe jaǵdaılar departamentiniń qutqarýshylary Qoıandy eldi mekeni aýmaǵynda qar qursaýynda qalyp qoıǵan aıy-kúni jetip otyrǵan júkti kelinshekti qutqardy, dep habarlaıdy QazAqparat tilshisi.
«5 aqpan kúni saǵat 01-10-da tótenshe jaǵdaılar qyzmetiniń kezekshilik bólimine Qoıandy eldi mekeniniń aýmaǵynda aıy-kúni jetip otyrǵan júkti kelinshek bar kóliktiń qar qursaýynda qalyp qoıǵandyǵy týraly aqparat tústi. Oqıǵa ornyna departament bólimshesi jiberildi. Olar júkti kelinshekti №1 perzenthanaǵa jetkizip, akýsherlerdiń qolyna tabystady», - delingen Astana qalalyq TJD baspasóz qyzmeti.
5 aqpan kúni saǵat 20-00-den bastap TJD bólimsheleri kólik kóp júretin Astana-Qorǵaljyn, Astana-Qosshy, Astana-Kókshetaý, Astana-Atbasar, Astana-Pavlodar jáne Astana-Qaraǵandy (aınalma avtomobıl joly) baǵyttarynda sholǵynshylyq jasaǵan. Qar qursaýynan 60 jolaýshy, onyń ishinde 9 bala jáne 19 tehnıka qutqarylǵan.
