Astana mańynda bir úıir jylqyny poıyz qaǵyp ketti

NUR-SULTAN. QazAqparat - Astana mańynda poıyz bir úıir jylqyny qaǵyp ketti, dep habarlaıdy QazAqparat tilshisi.

QR ІІM Kóliktegi polıtsııa departamenti baspasóz qyzmetinen túsken málimetke qaraǵanda, oqıǵa 18 naýryz kúni saǵat 03.00 shamasynda elordadan 64 shaqyrym qashyqtyqta ornalasqan «Erkinshilik-Saryoba» aralyǵynda bolǵan.

Júk poıyzynyń mashınısi qarańǵy ýaqytta temir jol boıynda júrgen maldy birden baıqamaı, 20 bas jylqyny qaǵyp ketti.

Tekserý barysynda kólik polıtseıleri 44 jastaǵy malshyny anyqtady. Ol túngi ýaqytta jylqylardy qaraýsyz qaldyrǵan.

Er adamǵa qatysty QR Ákimshilik quqyq buzý kodeksiniń 559-babyna (temirjoldardyń bólingen jolaǵynda mal jaıý qaǵıdalaryn buzý) sáıkes hattama toltyryldy.