Astana mańynda bir otbasy órt saldarynan baspanasyz qaldy
ASTANA. QazAqparat - Astana qalasynyń mańynda - Aqmola oblysy Qaraótkel aýylynda túnde úsh balaly otbasy turatyn jeke úı órtenip ketti, dep habarlaıdy «QazAqparat» HAA tilshisi.
«Túnde peshti qatty qyzdyrǵandyqtan, onyń gýildegen dybysyn estidik. Qazandyq jarylyp ketti. Úıimiz aǵashtan salynǵandyqtan, jarty saǵattyń ishinde barlyǵy órtke orandy. Eshkim zardap shekken joq, biz shyǵyp úlgerdik. Keıin gaz ballony jaryldy», - dedi úı ıesi Meńke Ysqaqova.
Úı 2009 jyly turǵyzylǵan, saqtandyrylmaǵan. Onyń aıtýynsha, olar qazir kórshileriniń úıinde turyp jatyr.
«Kórshilerim jazǵa deıin osynda turýdy usyndy. Úıde eshqandaı jıhaz joq, kenttegi eki mektep dıvan, asúı ústeli men oryndyqtar beremiz dep otyr. Sondaı-aq, olar kıim-keshek pen mektepke qajetti quraldarmen qamtamasyz etpek. Ákimdik te qarjylaı kómek berýge ýáde etti. Qazir bizge azyq-túlik pen ydys-aıaq kerek», - dedi áıel.
QR ІІM TJK resmı ókili Rýslan Imanqulov «QazAqparat» HAA-ǵa órt aýmaǵynyń 150 sharshy metr bolǵanyn habarlady. Qońyraý 25 qańtarda túngi 03:20-da túsken. Órt tańǵy saǵat beste aýyzdyqtalyp, altylarda sóndirilgen.
TJ-nyń aldyn ala sebebi - jylytý peshi qurylǵysyn qoldaný kezinde órt qaýipsizdigi erejesiniń buzylýy.
