Astana mańynda azyq-túlik beldeýin qurý maqsatynda 2011 jyly 48 joba qarjylandyrylady - AShM
Atap aıtqanda, vıtse-mınıstr elordadaǵy «Tselınnaıa fabrıka delıkatesov», «AstanaEkoStandart» jáne «TsesnaAstyq» Kontserni» JShS kásiporyndarynda bolyp, ondaǵy óndirispen tanysyp qaıtty.
Astana qalasy mańynda azyq-túlik beldeýin qurý aıasynda «QazAgro» kompanııalar toby bıyl barlyǵy 48 jobaǵa 27,3 mlrd. teńge qarjy bólýdi josparlap otyr. Qazirgi tańda onyń 18,8 mlrd. teńgesi bólinip úlgergen. Atalmysh jobalardyń 32-si Aqmola oblysynda bolsa, qalǵan 16 jobasy Qaraǵandy oblysynda iske asyrylýda.
Qazirgi ýaqytta qarjylandyrylǵan jobalardyń 31-i iske qosylǵan. Bul kásiporyndardyń barlyǵy óndirilgen ónimderin Astana qalasyna jetkizýde.
Vıtse-mınıstrdiń aıtýynsha, 2011 jyldyń sońyna deıin taǵy da 14 jobany, al 2012 jyly 3 jobany iske qosý josparlanýda.
M. Tolybaev eń aldymen elordada 53 túrli et ónimderin shyǵaratyn «Tselınnaıa fabrıka delıkatesov» JShS et óńdeý kásipornyna bas suqty. Bıýdjettik baǵdarlama sheńberinde kásiporynǵa 49,1 mln. teńge sýbsıdııa bólý kózdelgen.
Vıtse-mınıstrdiń kelesi sapary aýmaǵy 3,3 ga bolatyn jobalyq qýaty jylyna 1,9 myń tonna ónim shyǵarýǵa eseptelgen «AstanaEkoStandart» jylyjaı kesheninde jalǵasyn tapty. Keshendi 2011 jyldyń sońyna deıin iske qosý josparlanýda. Ol elordanyń azyq-túlik qaýipsizdigin qamtamasyz etip, maýsymaralyq kezeńdegi kókónis tapshylyǵyn boldyrmaýǵa septigin tıgizbek.
Budan soń iri astyq óńdeýshi kásiporyn «Tsesna Astyq» Kontsern JShS basshysymen kezdesý boldy. Atalǵan kásiporyn elordaǵa joǵary sapaly un, nan jáne makaron ónimderin óndirýmen aınalysady. 2010 jyly «Tsesna Astyq» Kontserni» bıýdjettik baǵdarlama sheńberinde 138,9 mln. teńge sýbsıdııa alsa, 2011 jylǵa 258,7 mln. teńge sýbsıdııa qarastyrylǵan.
