Astana mańynda 160 myńǵa jýyq adam turyp jatyr
ASTANA. 23 qańtar. QazAqparat - Astana mańyndaǵy aımaq halqynyń sany qarqyndy ósip keledi. Qazirgi ýaqytta bul kórsetkish 160 myń adamdy quraıdy.
Bul týraly astana.kz saıtyna «Astana qalasynyń bas jospary» ǵylymı-zertteý jobalaý ınstıtýty» JShS habarlady.
Búginde elorda mańyndaǵy aımaqta 80 aýyldyq eldi meken bar, onda 160 myńǵa jýyq adam turyp jatyr. Kompanııanyń boljamynsha, 2035 jylǵa qaraı elorda mańyndaǵy aımaq halqynyń sany 236 myń adamdy quraýy tıis.
«Boljamdarǵa sáıkes, 2035 jylǵa qaraı Astana mańyndaǵy aımaq halqynyń sany 236 myń adamdy quraıdy. ıAǵnı, bul kórsetkishtiń ósýiniń rezervi aldaǵy 20 jylda 80 myń adam bolmaq», - deıdi «Astana qalasynyń bas jospary» ǵylymı-zertteý jobalaý ınstıtýty» JShS dırektorynyń orynbasary Gúlnar Qusaıynova.
Aıta keteıik, qazirgi ýaqytta halyqtyń sany 2015 jylǵa boljanǵan kórsetkishterden artyq bolyp otyr.
