Astana mańyna qatynaıtyn jańa baǵdar iske qosylady
ASTANA. QazAqparat - Astanada qala mańyna qatynaıtyn jańa № 320 baǵdar iske qosylady, dep habarlaıdy QazAqparat.
Astana LRT baspasóz qyzmetiniń habarlaýynsha, 4 aqpanynan bastap jańa qala mańyna qatynaıtyn № 320 baǵdar iske qosylady. Osylaısha, Qosshy aýylynyń sol jaǵy qalanyń kólik ınfraqurylymyna engiziletin bolady.
«Jańa № 320 avtobýstyń baǵdary «Nazarbaev Ýnıversıteti» aıaldamasynan, Qabanbaı batyr dańǵylymen Lesnaıa polıana turǵyn úı alabyna deıin, odan ári Respýblıka kóshesimen Súıinbaı kóshesine deıin, sosyn Qosshy aýylynyń sol jaǵymen «Mýslım» dúken-kafesine deıin júredi. Keri baǵytta №320 baǵdar joǵaryda kórsetilgen syzbamen qatynaıdy», - delingen Astana LRT feısbýktegi paraqshasynda.
