Astana mańyndaǵy eldi mekenderge qatynaıtyn elektr poıyzdarǵa 191 vagon satyp alynady
ASTANA. KAZINFORM – Bıyl Astana mańyndaǵy eldi mekenderge qatynaıtyn elektr poıyzdarǵa 191 vagon satyp alynady. Bul týraly Májilis depýtattarynyń saýalyna Premer-mınıstrdiń birinshi orynbasary Roman Sklıardyń jaýabynda aıtylǵan.
- Búginde Astana – Býrabaı, Astana – Ereımentaý, Astana – Qaraǵandy jáne Astana – Atbasar baǵyttary boıynsha 2013, 2014, 2016 jáne 2024 jyldary shyǵarylǵan elektr poıyzdary júredi. Şýche-Býrabaı kýrorttyq aımaǵyn damytý aıasynda Astana – Býrabaı kýrorty baǵyty boıynsha jolaýshylardyń jaılylyǵy men qaýipsizdiginiń qazirgi zamanǵy talaptaryna sáıkes keletin jańa vagondardan qurylǵan jedel elektr poıyzy iske qosyldy, - dedi ol.
Birinshi vıtse-premerdiń atap ótýinshe, jalpy jyljymaly quramdy jańartý júıeli negizde júzege asyrylady.
- Jolaýshylar vagondarynyń jalpy parki shamamen 2,7 myńdy quraıdy. Bul rette sońǵy 10 jylda tozý deńgeıi 56-dan 41 paıyzǵa deıin tómendedi. 2025 jyly – 175 vagon satyp alyndy, 2026 jyly – 191 vagon satyp alý qarastyrylǵan. Parkti odan ári jańartý aıasynda 2030 jylǵa qaraı jańa vagondardyń úlesin 90 paıyzǵa deıin jetkizý kózdelgen. Atalǵan sharalardy iske asyrý jolaýshylar tasymalynyń jaılylyq, senimdilik jáne qaýipsizdik deńgeıin dáıekti túrde arttyrýǵa múmkindik beredi, - dedi Roman Sklıar.
Buǵan deıin Kólik mınıstrligi Bas kólik prokýratýranyń ókilderimen birlesip, jekemenshik tasymaldaýshylar poıyzdaryna ınspektsııalyq tekserýler júrgizgen edi.
