Astana mańyndaǵy aýyldyń 730 abonenti gazǵa qol jetkizdi
ASTANA. KAZINFORM — Energetıka mınıstrligi gaz ınfraqurylymyn keńeıtý jáne halyqty tabıǵı gazben qamtamasyz etý boıynsha júıeli jumysty jalǵastyryp jatyr.
Aqmola oblysynyń Qyzylsýat aýylynda gazdandyrý jumystary aıaqtaldy. Nátıjesinde 730 abonentke tabıǵı gazǵa qosylýǵa múmkindik berildi.
«QazaqGaz Aimaq» AQ málimetinshe, joba aıasynda 67,3 shaqyrym gaz qubyry tartylyp, 1 gaz retteý pýnkti jáne 8 shkaftyq gaz retteý pýnkti ornatyldy. Qurylǵan ınfraqurylym turǵyn úılerdi gazben jabdyqtaý júıesine kezeń-kezeńimen qosýǵa múmkindik beredi.
Jalpy, 2026 jyly elimiz boıynsha gazdandyrýdyń 40 jobasy iske asýda, onyń ishinde 7 joba ótken jyldan aýysqan. Jobalardy iske asyrý nátıjesinde taǵy 37 myńǵa jýyq adam tabıǵı gazǵa qol jetkizedi.
Halyqty gazben qamtý aıasyn keńeıtý jumystary Memleket basshysynyń tapsyrmasyna sáıkes jalǵasýda. 2035 jylǵa qaraı elimizdegi gazdandyrý deńgeıin 80%-ǵa jetkizý josparlanyp otyr.
Aıta ketelik munaı-gaz nysandarynda apatty aldyn ala anyqtaýǵa jasandy ıntellekt qoldanylýy múmkin.
