Astana mańynda mal urlyǵymen aınalysqan top ustaldy
ASTANA. KAZINFORM – Elordalyq polıtseıler qala mańyndaǵy saıajaı alaptarynyń birinde muqııat josparlanǵan mal urlyǵyn áshkereledi, dep habarlaıdy Polisia.kz.
Tergeý málimetinshe, Aqmola oblysynyń úsh turǵyny qylmysty aldyn ala josparlap, qajetti quraldar men kólikti daıyndaǵan. Tún mezgilinde olar turǵyndardyń aýlasynan eki bıe men bir sıyrdy aıdap áketip, janýarlardy jaqyn mańdaǵy ormanǵa jetkizgen. Іzdi jasyrý úshin kúdiktiler maldy sol jerde soıyp, etin kólikpen alyp ketken.
Jedel-izdestirý sharalary barysynda tártip saqshylary janýarlardyń terisin jáne trassaǵa aparatyn izderdi tapty. Sonymen qatar beınebaqylaý kameralary kúdiktilerdiń júrgen jolyn tirkep, olardyń jeke basyn anyqtaýǵa múmkindik berdi.
Tintý kezinde qylmys jasaýǵa paıdalanylǵan arqan, júgen jáne shamdar tárkilendi. Al deldaldardan bólshektelgen mal eti tabylyp, aıǵaq retinde alyndy. Urlanǵan et kúdiktiler tarapynan satylyp úlgergen.
Qazirgi tańda atalǵan derek boıynsha qylmystyq is qozǵaldy. Úsh kúdikti ýaqytsha ustaý ızolıatoryna qamaldy. Tergeý barysynda olardyń buǵan deıin de uqsas qylmystar úshin jaýapqa tartylǵany anyqtaldy.
Astana polıtsııasynyń qyzmetkerleri turǵyndarǵa maldy qaraýsyz qaldyrmaýǵa, ásirese túngi ýaqytta saqtyq sharalaryn kúsheıtýge jáne qora-qopsylardy nyǵaıtýǵa keńes beredi.
Osyǵan deıin Májilis depýtaty Anas Baqqojaev mal urlyǵynyń jazasyn qatańdatý kerek degen edi.