«Astana» - «Manchester ıÝnaıted»: birinshi taım aıaqtaldy
NUR-SULTAN. QazAqparat - UEFA Eýropa lıgasy toptyq kezeńindegi «Astana» - «Manchester ıÝnaıted» matchynyń birinshi bóligi aıaqtaldy, dep habarlaıdy QazAqparat tilshisi «Astana» FK resmı saıtyna silteme jasap.
Qos komanda oıyndy shıraq bastady. Aldymen londondyq Meıson Grınvýd elordalyq qaqpashy Nenad Erıchtiń qaqpasyna alystan soqqy baǵyttady. Munan soń Anglııa quramasynyń fýtbolshysy Lıýk Shoý áriptesi Djessı Lıngardqa pas berdi. Sońǵysy qaqpanyń alys buryshyna aınaldyra soqqy jasap, dáldik tanytty. Esep ashyldy. 0:1! Alań ıeleri qarymta shabýylǵa shyqty. Qorǵaýshy ıÝrıı Logvınenko Dorın Rotarıýǵa pas berdi. Dorınniń soqqysy qaqpadan qıys ketti. Birinshi taım aıaqtalar tusta Meıson Grınvýd esepti eseleıtin sátti múlt jiberdi. Bul joly Nenad Erıch jyldamdyq tanytyp, dopty qaıtaryp jiberdi.
Osylaısha, birinshi taım 0:1 esebimen qonaqtardyń paıdasyna sheshildi.
Esterińizge sala keteıik, eki komanda L tobynda synǵa túsedi. Qazirgi tańda týrnır kestesinde «Manchester ıÝnaıted» 10 upaımen birinshi orynda keledi. Al «Astananyń» qorjynynda ázirge birde-bir upaı joq, sońǵy orynda tur. Ekinshi-úshinshi oryndardaǵy Gollandııanyń «AZ Alkmarynyń» 8, Serbııanyń «Partızanynyń» 4 upaıy bar.
