Astana LRT júrgizýshiler ereýiline qatysty aqparatty joqqa shyǵardy
ASTANA. QazAqparat - Astana qoǵamdyq kólikterdiń qozǵalysyna jaýapty «Astana LRT» kompanııasy avtobýs júrgizýshileriniń ereýilge shyǵyp jatqany týraly aqparatty joqqa shyǵardy, dep habarlaıdy QazAqparat tilshisi.
«Buqaralyq aqparat quraldarynda jáne áleýmettik jelilerde qoǵamdyq kólik júrgizýshileriniń ereýilderi týraly aqparat taratylýda. Resmı túrde bul aqparat shyndyqqa janaspaıtyndyǵyn habarlaımyz. Biz barlyq tasymaldaýshylarmen baılanysyp, dıspetcherlik qyzmet arqyly tekseris júrgizdik, jospar boıynsha barlyq avtobýstar ádettegideı qyzmet kórsetýde», - delingen kompanııanyń Feısbýk paraqshasynda.
«Astana LRT» málimetine sáıkes, qalada aýa raıy jaǵdaılaryna baılanysty, joldarda kólik quraldarynyń qatynaý jıiligi alshaqtaǵan.
