Astana LRT jolaýshylardyń avtobýstan avtobýsqa tegin aýysyp minýine qatysty túsinik berdi
ASTANA. QazAqparat - Astana LRT jolaýshylarǵa bir avtobýstan ekinshisine aýysyp mingendegi tegin júrý erejesin túsindirdi, dep habarlaıdy QazAqparat tilshisi.
«Qurmetti qoǵamdyq kólik qoldanýshylar! Sizderden avtobýs aýystyryp mingendegi tegin júrý múmkindigi 30 mınýt kóleminde ǵana áreket etedi degen aqparat kelip jatyr. Osyǵan oraı keıbirlerińizdiń karta nómirlerińizdi surap, júıe arqyly tekserdim, tekseris boıynsha eshqandaı qatelik oryn almaǵan. ıAǵnı jolaýshynyń avtobýs aýystyrǵandaǵy tegin júrý júıesi aqaýsyz jumys istep tur», - dep jazdy feısbýk parashasyna Astana LRT baspasóz hatshysy Naýat Azanbaeva.
Sonymen qatar, jolaýshynyń avtobýs aýystyrǵanda kólik kartasyn valıdatorǵa tıgizgen sátten bastap 60 mınýt kóleminde tegin júrý múmkindigi baryn aıtty.
«ıAǵnı, jolaýshy avtobýsqa kire sala kólik kartasyn valıdatorǵa basýy qajet. Ekinshi avtobýsqa mingen jaǵdaıda taǵy da kartany valıdatorǵa basýy kerek, biraq ol kezde tólem alynbaıdy. Avtobýs aýystyrǵanda tegin júrý múmkindigin qaladaǵy ishinara avtobýstarda, ekspressten ekspresske, ekspressten qala ishinde, qala mańynan qala ishinara qatynasynda paıdalanýǵa bolady», - dedi N.Azanbaeva.
Qala mańynan qala ishinara marshrýttardy aýystyrǵanda tegin júrý múmkindigi bylaı júzege asyrylady:
-qala mańynan mingende kólik kartasyn valıdatorǵa engizińiz, termınal ekranynan «chek-ın» sózi shyǵady;
-qala mańynan kelgen avtobýstan túser kezde MІNDETTІ túrde kartany taǵy valıdatorǵa tıgizińiz, ekrannan «chek-aýt» sózi shyǵady. Sol kezdep bastap júıe sizdiń qala ishinde 60 mınýt kóleminde tegin júrýińizdi qamtamasyz etedi.
-qala ishindegi avtobýsqa minip, kólik kartasyn valıdatorǵa basqanda sizdiń avtobýs aýystyryp mingenińiz shyǵady.
