Astana LRT jobasy qandaı jańa tehnologııamen salynyp jatyr
ASTANA. KAZINFORM – Qytaılyq China construction kompanııasy sheteldik bıznes departamentiniń bas menedjeri Han ıÝlon Astanada salynyp jatqan jeńil relsti kólik jelisi (Astana LRT) qandaı tehnologııa qoldanyp jatqany týraly aıtty.
Han ıÝlonnyń aıtýynsha, LRT jelisi Ortalyq Azııadaǵy alǵashqy júrgizýshisiz basqarylatyn (avtopılot júıesi) jyljymaly quram bolmaq.
- Astana LRT jobasy Qytaı-Qazaqstan eki el arasyndaǵy «Bir beldeý – bir jol» bastamasynda aıryqsha mańyzy bar joba sanalady. Sondyqtan, biz bul jobaǵa erekshe mán beremiz. Jobanyń sátti jáne sapaly aıaqtalýy úshin qurylys jumystaryna «qytaılyq standartqa» negizdelgen sońǵy tehnologııalardy qoldanyp otyrmyz. Mysaly, LRT jelisiniń jyljymaly quramy qashyqtyqtan júrgizýshisiz basqarylady, - dedi China construction bas menedjeri.
Onyń aıtýynsha, LRT jelisiniń Esil ózenin kesip ótetin jerinde jańa kópir salyndy. Joba «ǵasyrlyq joba» standartyna saı bolý úshin qytaılyq jetekshi tehnologııa qoldanyldy.
- Kópirdiń jalpy uzyndyǵy - 155 metr. Bul kópirdiń negizgi arqalyqtary bolat konstrýktsııadan quralyp, kópir betine armatýra aralasqan beton quıylady. Bolat konstrýktsııa qytaıdaǵy sońǵy tehnologııa doǵalyq dánekerleý «roboty» arqyly dánekerlenip, «qurastyrmaly blok» ádisi boıynsha qurylys júrgizildi. Bul kúnde kópirdiń negizgi qurylysy aıaqtalyp, kópirdiń jalpy salmaǵy 2598 tonnany qurady, - dedi Han ıÝlon.
Jeńil relsti kólik júıesiniń (Astana LRT jobasy) qorshaǵan ortaǵa áserin azaıtý maqsatynda dybys kedergisi qoldanylady.
Sondaı-aq, buǵan deıin Astanadaǵy jeńil relsti kólik júıesiniń (Astana LRT jobasy) jerústi negizgi qurylys jumystary qashan aıaqtalatynyn jazǵan edik.
