«Astana LRT»: jańa júıeniń jeńildigi bar azamattarǵa qatysy joq
ASTANA. QazAqparat - Qoǵamdyq kólikterge engiziletin jańa júıeniń jeńildigi bar azamattarǵa qatysy joq. Bul týraly «Astana LRT» basqarma tóraǵasy Bekmyrza Igenberdınov aıtty, dep habarlaıdy QazAqparat tilshisi.
«Jańa ózgeristiń arnaıy jeńildigi bar Astana turǵyndaryna eshqandaı qatysy joq. Olar burynǵysynsha qala ishinde tegin júredi. Sol sııaqty qala mańyndaǵy Aqmola oblysyna jatatyn eldimekenderdiń jeńildigi bar turǵyndary da qalaǵa tegin kele alady, biraq qala ishinde jolaqy tóleıdi» -dedi B.Igenberdınov.
Aqmola oblysy boıynsha jeńildikter qarastyrylǵan kategorııaǵa jatatyn 13 myń adam bar. Onyń naqty qanshasynyń kóliktik kartany ıelengeni anyqtalý ústinde.
«Biz bul oraıda Aqmola oblysynyń ákimdigimen kelisim jasap jatyrmyz. ıAǵnı olar jeńildik qarastyrylatyn azamattardy anyqtap beredi, al olarǵa qarajat oblys bıýdjetinen bólinedi, sonyń negizinde eki jaqty kelisimshart jasasamyz», -dedi basqarma tóraǵasy.
Sonymen qatar, jyl basynan beri Astana qalasy boıynsha jobamen 230- 240 myń turǵynnyń kóliktik kartany qoldanýǵa kóshkeni aıtyldy.
