Astana LRT synaqtan ótkizýge daıyn ba — ákim jaýaby
ASTANA. KAZINFORM — Bıyl kúzde Astana LRT jelisi testilik rejımde iske qosylady. Bul týraly elorda ákimi Jeńis Qasymbek málim etti.
— Qyrkúıekte alǵashqy quramdy testilik rejımde iske qosýdy josparlap otyrmyz. Test qorytyndysy boıynsha naqty qashan tolyq paıdalanýǵa beriletini belgili bolady. Ádette, testilik rejım 3 aıdan 6 aıǵa deıin sozylady. Jalpy, paıdalanýǵa berý merzimi týraly árdaıym aıtyp kelemiz, — dedi Jeńis Qasymbek Almaty aýdany turǵyndarymen kezdesý barysynda.
Sondaı-aq shahar basshysy jolaqysyna qatysty ún qatty.
— Joba aıasynda jol júrý quny 200 teńgege deıin dep qarastyrylǵan. Naqty qun jyl sońyna deıin anyqtalady, — deıdi ol.
Aıta keteıik, búginde Astanada LRT jelisiniń jartysyna jýyǵy daıyn.
Buǵan deıin LRT jumysshylary boıaý shashyratyp avtokólik ıelerine kelgen shyǵyn máselesin qozǵaǵan edik.