«Astana LRT» ortalyq kassasynyń mekenjaıy ózgerdi
ASTANA. QazAqparat - «Astana LRT» JShS ortalyq kassasy qyzmet kórsetý terezeleriniń sanyn kóbeıtedi. 6 terezege taǵy 4 qyzmet kórsetý terezesi qosylmaq, osylaısha 10 tehnıkalyq qyzmet kórsetý terezesi jumys isteıtin bolady, dep habarlaıdy Astana qalasy ákimdiginiń resmı saıty.
12 qarashadan bastap ortalyq kassanyń mekenjaıy ózgertiledi. Jańa mekenjaı: Qoshqarbaev kósh., 50/1.
Qalanyń bul aýmaǵy kóliktik qamtý turǵysynan tıimdi. Qoǵamdyq kóliktiń 8 baǵdary, onyń ishinde 6 qalalyq jáne 2 ekspress-marshrýttar qatynaıdy.
Bul baǵdarlardyń qozǵalysy qala turǵyndarynyń negizgi qonystanǵan aımaqtaryn, turǵyn úı keshenderin jáne halyqty barynsha qanaǵattandyrý úshin tasymaldaý pýnktterin qamtıdy. Jańa keńseniń aýdany burynǵy keńsege qaraǵanda áldeqaıda úlken, sondaı-aq kelesidegideı artyqshylyqtary bar:
- Qyzmet kórsetý terezeleriniń sany artady, sáıkesinshe kezek azaıady;
- Aýqymdy kútý zaly;
- Zańdy tulǵalar úshin jeke qyzmet kórsetý aýmaǵy;
- Dárethana;
- Balalarǵa arnalǵan oınaý buryshy;
Jumys kestesi: Dúısenbi-Juma, 08:30-18:00-ge deıin, úzilissiz.
Esterińizge sala keteıik, «Astana LRT» JShS-niń ortalyq kassasynda qolma-qol qarajatty qaıtarýdy júzege asyra alasyz.
Sondaı-aq, jeńildigi bar jáne oqýshylardyń mektep kartalaryn jańadan alýdy júzege asyra alasyz.
