«Astana LRT» ortalyq kassasy jańa mekenjaıǵa aýysty

ASTANA. QazAqparat - «Astana LRT» JShS ortalyq kassasy jańa mekenjaıǵa aýysty. Aıta ketsek, qolma-qol qarajatty qaıtarý, jeńildigi bar jáne oqýshylardyń mektep kartalaryn jańadan ashý qyzmetteri osy ortalyq kassada kórsetiledi, dep habarlaıdy QazAqparat.

Elorda ákimdiginen málim etkendeı, jańa mekenjaıǵa kóshken ortalyq kassanyń qyzmet qyzmet kórsetý terezeleriniń sany 6-dan 10-ǵa artady.

«12 qarashadan bastap ortalyq kassanyń mekenjaıy ózgertiledi. Jańa mekenjaı: Qoshqarbaev kóshesi, 50/1. Qalanyń bul aýmaǵy kóliktik qamtý turǵysynan tıimdi. Qoǵamdyq kóliktiń 8 baǵdary, onyń ishinde 6 qalalyq jáne 2 ekspress-marshrýt qatynaıdy. Bul baǵdarlardyń qozǵalysy qala turǵyndarynyń negizgi qonystanǵan aımaqtaryn, turǵyn úı keshenderin qamtıdy. Jańa keńseniń aýdany burynǵy keńsege qaraǵanda áldeqaıda úlken», - delingen taratylǵan aqparatta.

Jumys kestesi: dúısenbiden jumaǵa deıin, saǵat 08:30-18:00 aralyǵynda, úzilissiz.