«Astana LRT» ókilderi áýejaı avtoturaǵynyń 1,4 mln teńge turatynyn teriske shyǵardy
ASTANA. QazAqparat - Áleýmettik jelige tarap ketken 1,4 mln teńgeden astam somany kórsetken parkomat fotosýretiniń Astana áýejaıyna qatysy joq, dep xabarlaıdy QazAqparat «Astana LRT» JShS baspasóz ortalyǵyna silteme jasap.
«Bul fotosýrette Astana áýejaıyndaǵy avtoturaq úshin 1,4 mln. teńge 1 mln 475 myń teńge tólengendeı kórsetilgen. Munyń fotomontaj bolýy ábden múmkin nemese Almaty áýejaıynda túsirilýi de múmkin. Sebebi Astanadaǵy tólem júıesi bıyl 9 tamyzda, 12 kún buryn iske qosyldy. Al fotosýrette bul somanyń 24 kún, 17 saǵat úshin tólengeni anyq kórinip tur», - dedi QazAqparat tilshisine Astana LRT» JShS baspasóz xatshysy Asqar Atagýlın.
Onyń aıtýynsha, fotosýrette somanyń ózi durys kórsetilmegen. Matematıkalyq esep boıynsha basqa tsıfr turýy tıis. 24 kún 24 saǵattan jáne qosymsha 17 saǵat 593 saǵatty quraıdy. Bul ýaqytty 2500 teńgege kóbeıtkende 1 482 500 teńge shyǵady.
Eske sala ketsek, fotosýret 19 tamyz kúni jarııalandy. Akkaýnt ıesi parkomattyń Astana áýejaıynda ornalasqanyn aıtýda.
Astana Aeroport parkovka.
