Astana LRT-nyń jolaqysy qansha bolatyny belgili boldy

ASTANA. KAZINFORM — Ashyq NQAgov portalynda Astana qalasynyń ákimdigi ázirlegen «Qaladaǵy jeńil relstik kólikpen (LRT) jolaýshylar men júkti tasymaldaý tarıfi týraly» jobasy jarııalandy. Bul týraly Astana qalasynyń ákimdigi málim etti. 

— Jobaǵa sáıkes, jeńil relstik kólik jelisinde bir saparǵa bılet quny 200 teńge dep belgilengen. Tólem qolma-qol jáne qolma-qol aqshasyz júrgiziledi, — delingen habarlamada.

Sonymen birge, 2017 jylǵy 20 shildedegi № 167/21-VI Astana qalalyq máslıhatynyń sheshimi boıynsha, Astana qalasynda tirkelgen jáne turaqty turatyn jekelegen sanattaǵy azamattar qoǵamdyq kóliktegi tólemnen bosatylǵan.

Joba Ashyq NQAgov portalynda qaraý jáne qoǵamdyq talqylaý úshin qoljetimdi.

Eske sala keteıik, Astanada LRT júıesi kóktemde iske qosylady.

Jospar boıynsha áýejaıdan Nurly jol vokzalyna deıin 40 mınýtta jetýi tıis.