Astana LRT-nyń jyljymaıtyn múlki jalǵa beriledi — konkýrs

ASTANA. KAZINFORM — Elordada CTS kompanııasy jyljymaıtyn múlkin jalǵa berý boıynsha ashyq konkýrs jarııalady.

— Ákimshilik departamenti jáne turaq keńistikterin basqarý departamenti «City Transportation Systems» JShS-niń jyljymaıtyn múlkin jalǵa berý boıynsha ashyq konkýrs jarııalaıdy, — delingen habarlamada.

Múlikti jalǵa alý merzimi: 

— Jalǵa berý obektileriniń merzimi taraptar obektini qabyldaý-tapsyrý aktisine qol qoıǵan kúnnen bastap 11 aıdy quraıdy;
— Jyljymaıtyn múlikti jaldaý sharty boıynsha mindettemesin tıisinshe oryndaǵan jaldaýshynyń jalǵa alý merzimin uzartýǵa quqyǵy bar;
— Jalǵa berýshi jyljymaıtyn múlikti jaldaý shartynyń qoldaný merzimin uzartý bastamasyn kóterýge quqyly.

Jaldaý aqysynyń bastapqy baǵasy: 

— Bastapqy baǵa 1 sharshy metr úshin aıyna 10 000 teńge, qosylǵan qun salyǵyn qosa alǵanda;
— Konkýrsqa qatysýshy 1 sharshy metr úshin usynatyn jaldaý aqysynyń mólsherin jáne jalpy somany kórsetýge tıis, soma qosylǵan qun salyǵyn eskere otyryp usynylýy qajet.

Konkýrsqa qatysýǵa ótinim berýdiń sharty men tártibi: 

— Ótinim qabyldaý 2025 jylǵy 15 tamyz, Astana qalasy ýaqyty boıynsha saǵat 10.00-de bastalady;
— Ótinim qabyldaýdy aıaqtaý kúni 2025 jylǵy 20 tamyz, Astana q. ýaqyty boıynsha saǵat 10.00-ge deıin.
— Ótinimdi qabyldaý orny: Astana qalasy, Beıbitshilik kóshesi, 9, 2-qabat.

Konkýrs erejesimen tolyǵyraq «City Transportation systems» JShS resmı saıtynan tanysý múmkindigi bar. 

Aıta ketsek, búginde LRT negizgi jelisinde relsterdi tóseý jumysy aıaqtaldy. 

Eske salaıyq, Astana LRT osy kúzde testilik synaqtan ótedi dep josparlanyp otyr.