«Astana LRT» kondýktorlarǵa «qol valıdatorlary» nelikten berilmegenin aıtty
ASTANA. QazAqparat - «Astana LRT» JShS tóraǵasynyń orynbasary Beıbit Esjanov kondýktorlarǵa qolda ustaıtyn valıdatorlar áli kúnge deıin nege berilmegenin túsindirdi, dep habarlaıdy «QazAqparat» HAA tilshisi.
«Iá, shynynda da, qol valıdatorlary búgingi kúni jetkizildi. Biraq bul valıdatorlardy jańa formattaǵy avtobýstardy ákelý keshikken jaǵdaıda eski baǵdarlarda (avtobýstarda - avt.) qoldaný josparlanǵan bolatyn. Olar tólemniń alternatıvti ádisi retinde valıdatormen jabdyqtalmaǵan 18 marshrýttyń kondýktorlaryna taratyp berilmek boldy. Biraq, jańa avtobýstar ýaqytyly kelip jatyr (olardyń qajeti bolmaı qaldy - avt.)», - deıdi Beıbit Esjanov tilshilerge arnalǵan press-týr barysynda.
Ol sonymen birge, qol valıdatorlarynyń birneshe, atap aıtqanda, kartalardy toltyrý, aqynyń tólengenin tekserý qyzmetteri bar ekenin atap ótti.
Beıbit Esjanovtyń aıtýynsha, 2014 jylǵa deıin Astanada qazirgi zańnamalarǵa sáıkes kelmeıtin avtbýstar qatynap júrgen (qoldanysta júrgenine 14 jyldan asyp ketken). 2014 jyly qoǵamdyq kólikter quramy jańartylyp, 357 IVEKKO avtobýstary satyp alynǵan. Jumys munymen toqtamaı, elordaǵa 2015-2016 jyldary halyqaralyq standarttarǵa sáıkes keletin taǵy 380 avtobýs ákelindi. Qazirgi tańda qala ishindegi 1 140 avtobýs kúnine 800 myń adamǵa qyzmet kórsetedi.
