«Astana LRT» kompanııasynyń ataýy ózgerdi
NUR-SULTAN. QazAqparat - Elordadaǵy qoǵamdyq kólikke jaýapty «Astana LRT» JShS ataýy ózgerdi, dep habarlaıdy QazAqparat tilshisi.
«Áý basta elordadaǵy halyqtyń sany 1 mıllıonǵa tek 2030 jyly jetedi dep boljanǵan edi. Alaıda ózderińiz kórip otyrǵandaı, qala tez ósip keledi. Kompanııanyń jumysyn jandandyryp, rebrendıng júrgizip jatyrmyz. Budan bylaı kompanııamyzdyń ataýy - City transportation systems, ıaǵnı qysqarta aıtqanda CTS bolmaq», - dedi elordada ótip jatqan kórme-konferentsııa barysynda kompanııanyń basqarma tóraǵasy Bekmyrza Igenberdınov.
Aıta keteıik, elordada ótip jatqan kórme-konferentsııada kompanııanyń ótken jylǵy jumysy men aldaǵy josparlary týraly aıtylyp jatyr.
