Astana LRT kólik kartasynan eki márte aqsha alynýyna qatysty jaýap berdi
ASTANA. QazAqparat - Astana LRT kompanııasy astanalyqtardyń avtobýsta jol júrý kartasynan eki ret aqsha alynatyny týraly shaǵymyna jaýap berdi, dep habarlaıdy QazAqparat tilshisi.
Seriktestik qyzmetkerleri mán-jaıdy anyqtaý úshin jolaýshylardan karta nómirin suratty. Kompanııa málimetinshe, nátıjesinde júıeniń durys istep turǵany anyqtalǵan.
«Jónsiz aqsha ustaý oryn almaǵan. Astana LRT basshylyǵy jolaýshylarǵa óz jolsaparlaryn qadaǵalap, kartadaǵy aqshasyn ýaqytynda tekserip, qajet bolsa, detalızatsııa suratý kerektigin eske salady» delingen kompanııanyń resmı málimdemesinde.
Astana LRT málimetinshe, taıaý arada karta ıeleri óz qarajatyn jáne jolsaparlaryn transcard.kz saıtyndaǵy jeke kabınetinde óz betinshe qadaǵalap otyratyn bolady.
Eske sala keteıik, keshe astanalyq jolaýshylar kólik kartasynan bir jolsaparǵa 90 teńgeniń ornyna 180 teńgeden ustalatynyn aıtyp, shaǵymdanǵan bolatyn.
