Astana LRT kólik kartasyn toltyrýdyń jańa ádisin engizdi
ASTANA. QazAqparat - Astana LRT JShS Basqarma tóraǵasy Bekmyrza Igenberdınov kólik kartasyn toltyrýdyń jańa ádisin tanystyrdy, dep habarlaıdy QazAqparat tilshisi.
«Atalǵan qosymsha qazir Android uıaly telefondaryna júktelip jatyr. Bul qyzmet Android-ta qoljetimdi. Kóp ótpeı iOS-ta da qoljetimdi bolar degen senimdemin. Biz qazir bul júıeni testileýden ótkizip jatyrmyz. Qazir bizde qoldanyla bastaǵan tek jumystaǵy nusqasy, ol Real LRT dep atalady. Ol - mobıldi qosymsha», - dedi kompanııada ótip jatqan dóńgelek ústelde Astana LRT JShS Basqarma tóraǵasy.
ıAǵnı, budan bylaı balansty bilý úshin kartochkany uıaly telefonǵa eki jaǵymen de basyp, tekserýge bolady. Biraq, bul rette telefon NFC modýlimen jaraqtandyrylýy kerek.
«Mine, sol kezde ol balanstyń qansha qalǵanyn birden kórsetip beredi. Endigi kezekte biz birden aqshany toltyra alamyz. Uıaly telefondaǵy «Toltyrý» degen tetikti basamyz da, somany engizip, kartochkany telefonnyń ústine tıgizemiz. Osydan keıin balansty tekserý úshin kartochkany avtobýstyń aqsha alatyn apparatyna basyp kóremiz», - deıdi ol.
Bekmyrza Igenberdınovtyń aıtýynsha, kompanııa osy amal arqyly kólik kartalaryn toltyratyn jańa avtomattardy satyp alýdan bas tartpaq.
«Qazirgi ýaqytta biz osy júıeni testilep jatyrmyz. Aldaǵy 1-1,5 aıdyń ishinde júıeni tolyq testileýden ótkizip, búkil qala boıynsha iske qosyp, shyǵyndardan arylǵymyz keledi. Bizde qazir 30 LRT-avtomat pen alty kassa bar. Jolaýshylar kartochkasyn toltyrýǵa 36 núkte degen az. Adamdardyń basym kópshiligi kıvı arqyly aqsha salǵysy kelmeıdi», - deıdi kompanııa basshysy.
Bekmyrza Igenberdınov atap ótkendeı, álemde mundaı formattaǵy qyzmet áli júzege asyrylmaǵan.
«Qazir bizdiń mamandar, «Bolashaqpen» oqyp kelgen túlekter - osynaý baǵdarlamalyq ónim boıynsha tutas komanda jumys júrgizip jatyr», - deıdi ol.
