Astana LRT qatysty shaǵymdardy qaıda joldaýǵa bolady
ASTANA. QazAqparat - «Astana LRT» qalalyq avtobýstarǵa qatysty aryz-shaǵymdy 109 qyzmeti arqyly qabyldaıdy, dep habarlaıdy QazAqparat tilshisi.
«Búginnen bastap, barlyq ótinishter men aryz-shaǵymdar Qalalyq monıtorıng jáne jedel áreket etý ortalyǵynyń 109 nómiri arqyly qabyldanady. Koll-ortalyq operatorlary arnaıy oqytýdan ótti, sondyqtan qoǵamdyq kólik jumysy týraly sapaly konsýltatsııa ala alasyzdar. Bul ózgerister sizder úshin qolaıly bolady dep úmittenemiz», - dep jazdy Astana LRT kompanııasynyń resmı ókili Naýat Azanbaeva Facebook jelisinde.
Onyń aıtýynsha, «Astana LRT» ózge de resýrstardan (qosymsha, resmı hattar, 109 qyzmeti) kelip túsken ótinishtermen jumys isteýdi jalǵastyrady.
Foto:astana.gov.kz
