Astana LRT isi: Apellıatsııalyq alqa úkimdi ózgerissiz qaldyrdy

ASTANA. QazAqparat – Astana qalalyq sotynyń apellıatsııalyq satysy Astana LRT isi boıynsha sottalǵandar men olardyń qorǵaýshylarynyń shaǵymdaryn qarady. Bul týraly QazAqparat Astana qalalyq sotynyń baspasóz qyzmetine silteme jasap habarlaıdy.

Birinshi satydaǵy sottyń 2023 jylǵy 3 mamyrdaǵy úkimimen Q. Sultanbekov, T. Ardan bıýdjet qarajatyn asa iri mólsherde talan-tarajǵa salýdy uıymdastyrǵany úshin (QK 189-baby 4-bóliginiń 2-tarmaǵy); R. Amanjolov, J. Nurpeıisov, T. Áshim, Ý. Achılov, D. Ábdihamıtov, T. Qasabaev jáne D. Mýsenov bıýdjet qarajatyn asa iri mólsherde talan-tarajǵa salýǵa járdemdeskeni úshin (QK 28-babynyń 5-bóligi, 189-baby 4-bóliginiń 2-tarmaǵy) memlekettik qyzmette qyzmet atqarý quqyǵynan aıyryla otyryp, 7 jylǵa bas bostandyǵynan aıyrýǵa sottalǵan.

Q. Sultanbekov, T. Ardan syrttaı sottaldy. T. Ashım, T. Qasabaev, D. Mýsenovke qatysty QK-niń 63-baby – shartty sottaý qoldanyldy.

Іs boıynsha prokýrordyń talaby qanaǵattandyrylyp, 5 mlrd teńgeden astam keltirilgen zalal memleket paıdasyna óndirildi.

2023 jylǵy 18 shildede Astana qalalyq sotynyń apellıatsııalyq satysy atalǵan adamdarǵa qatysty úkimdi zańdy, negizdelgen dep tanyp, ózgerissiz qaldyrdy.

Sot aktileri zańdy kúshine endi.