«Astana LRT» basshysy avtobýstyń qyzdy qaǵýyna qatysty túsinikteme berdi
ASTANA.QazAqparat - Búgin «Astana LRT» basshysy Bekmyrza Igenberdınov qalalyq jolaýshylar avtobýsynyń jaıaý júrginshi ótetin jolaqta adam qaǵyp ketýine qatysty túsinikteme berdi, dep habarlaıdy QazAqparat tilshisi
«Árbir jaıt - bul shynaıy oqıǵa, ásirese, qaza tapqan adam bolǵan kezde muny tolyqtaı qarastyrý qajet. Nelikten mundaı jaıt oryn aldy? Artyq jumys istedi me, jaı-kúıi qandaı boldy degennen bastap sol ýaqyttaǵy otbasylyq jaǵdaıyn da bilý kerek. Іshki-syrtqy barlyq aspektilerdiń mán-jaıynyn anyqtaý qajet. Múmkin onyń uıqysy qanbaǵan shyǵar», - dedi ol Astana ákimdiginde ótken baspasóz máslıhatynda.
Onyń aıtýynsha, árbir oqıǵa boıynsha jeke sheshim qabyldanady.
«Árıne,ol jaıaý júrginshige arnalǵan jolaqta qaqqannan keıin qandaı jaǵdaı bolmasyn kináli jáne sol úshin jazalanady. Barlyq júrgizýshilerde mundaı jaǵdaıda qandaı jaza bar ekenin biledi. Al biz óz tarapymyzdan saraptama jasap, biliktilik arttyrý ortalyǵynda barlyǵyn tyńǵylyqty zerdeleımiz», - dedi Bekmyrza Igenberdınov.
