«Astana LRT» baǵandarynyń qorshaýyna qardyń toltyrylǵany ras pa – ákimdiktiń jaýaby
NUR-SULTAN. QazAqparat – Buǵan deıin áleýmettik jelilerde «Astana LRT» baǵandarynyń qorshaýyna qardyń toltyrylǵany týraly aqparat taraǵan bolatyn. Máselege qatysty Nur-Sultan qalalyq ákimdigi jaýap berdi, dep habarlaıdy QazAqparat tilshisi.
«Astana LRT» aýmaǵyna qar tógilgenin bilemiz. Ol jerde tógilgeni - aıtarlyqtaı úlken kólemdegi qar emes. Kólik qozǵalysyna qıyndyq týyndatqan 25 metr joldyń qary tógildi», - dep jaýap berdi QazAqparat agenttiginiń resmı saýalyna qalalyq ákimdikten.
Osydan birneshe jyl buryn qalalyq ákimdik qar eritkish peshterdiń satylyp alynǵanyn habarlaǵan edi. Sol peshter qazir paıdaǵa jarap jatyr ma? Jarap jatsa, bul kúnde qaıda jáne qanshasy istep tur? Ákimdikten bul suraqtarǵa da jaýap keldi.
«Qar eritkish eki tehnıka qazirgi tańda iske qosyldy. Olar shtatty túrde jumys atqaryp jatyr. Aldaǵy kúni taǵy 1 qar eritkish tehnıka iske qosylatyn bolady. Qazirgi tańda yńǵaıly oryn qarastyrylyp jatyr», - dep habarlaıdy ákimdikten.
