«Astana LRT» aqyly parkıngter men «ashyq» turaqtardyń tarıfine túsinikteme berdi
ASTANA. QazAqparat - Aqyly parkıngter men «ashyq» kólik turaqtarynyń tarıfterinde aıyrmashylyq bolady. Bul jaıynda QazAqparattyń resmı saýalyna jaýap bergen «Astana LRT» JShS-inen málim etti.
Aıta keterligi, 2017 jyldyń sońyna deıin elordanyń eki aımaǵynda shamamen 9 myń orynǵa arnalǵan aqyly kólik turaqtary ashylatyn bolady. Bul turaqtarǵa kólikti 1 saǵatqa qaldyrý quny 100 teńgeni quraıdy. Al bul tarıf parkıngterge qoldanylmaıdy.
«Parkıngterge kólik qaldyrý quny kóshelerdiń boıynda ornalasqan aqyly turaqtardyń qunynan aıyrmashylyǵy bolady. Saǵatyna 100 teńgelik tarıfti qalalyq bılik halyqaralyq keńesshilermen birlese otyryp eseptep shyǵardy jáne halyqtyń ortasha jalaqy deńgeıi, taksımen, qoǵamdyq kóliktermen júrý quny eskerildi. Atalǵan somany bekiterdiń aldynda qoǵam ókilderimen, depýtattarmen, qoǵamdyq birlesiktermen kezdesýler ótkizildi», - delingen kompanııanyń resmı jaýabynda.
