Astana logıstıkalyq haby 2 myńnan astam jumys ornyn qurýǵa múmkindik berdi

ASTANA. QazAqparat – Astanadaǵy logıstıkalyq hab 2 myńnan astam jumys ornyn qurýǵa múmkindik berdi. Bul týraly Saýda jáne ıntegratsııa vıtse-mınıstri Qaırat Tórebaev málim etti, dep habarlaıdy QazAqparat tilshisi.

«Astanada reseılik Ozon kompanııasynyń fýlfıment ortalyǵynyń qurylysy aıaqtaldy. Logıstıkalyq hab qazaqstandyq kásipkerlerge onlaın-bıznesti ulǵaıtýǵa, birinshi kezekte ınternet-tapsyrystardy óńdeýge, taýardy tutynýshyǵa deıin jetkizý merzimin qysqartýǵa jáne óńirde 2 myńnan astam jumys ornyn qurýǵa múmkindik beredi», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.

Qaırat Tórebaevtyń dereginshe, búginde atalǵan alańda shamamen 15 myń otandyq satýshy tirkelgen. Ótken jyldyń qorytyndysynda olardyń saýda-sattyq kólemi 10 mlrd teńgeden asyp tústi.

«Álemdik alańdarmen yntymaqtastyq shıkizattyq emes eksportty ilgeriletý, Qazaqstannan taýarlar jetkizý kólemin arttyrý, sonymen qatar kompanııalarymyzǵa qyzyǵýshylyq týdyratyn jańa múmkindikter ashý úshin túrtki bolady. Osyǵan baılanysty atalǵan baǵyttaǵy qarqyndy jumys jalǵasady», - dedi vıtse-mınıstr.