Astana — Larnaka baǵytynda tikeleı reıster ashyldy
ASTANA. KAZINFORM — 2 maýsymnan bastap Air Astana áýekompanııasy Astana — Larnaka baǵyty boıynsha tikeleı reısterdi iske qosty. Bul týraly Nursultan Nazarbaev áýejaıynyń baspasóz qyzmeti málim etti.
Reıster aptasyna 2 ret — seısenbi jáne senbi kúnderi oryndalady.
— Ushý baǵdarlamasy 2026 jyldyń qyrkúıek aıyna deıin jalǵasady. Ushý ýaqyty shamamen 5–6 saǵatty quraıdy. Jańa baǵyt jolaýshylarǵa Jerorta teńizi jaǵalaýyndaǵy tanymal kýrorttardyń birine yńǵaıly ári jaıly sapar jasaýǵa múmkindik beredi, — delingen habarlamada.
Aıta keteıik, kelesi jyldan bastap Gonkong pen Almatynyń arasynda tikeleı áýe reısi qatynaıdy.
Búgin sondaı-aq Kıprmen áýe qatynasy ashylatyny habarlandy.
