Astana lańkestikke qarsy komıssııasy quryldy
ASTANA. 10 qyrkúıek. QazAqparat - Elordalyq lańkestikke qarsy komıssııa lańkestikke qarsy áreket etý salasynda memlekettik organdardyń qyzmetin úılestirýdi júzege asyrady. Búgin qalalyq maslıhattyń kezekten tys sessııasynda komıssııanyń quramy bekitildi. Bul týraly Astananyń resmı saıtynan habarlandy.
«Astana qalasy ákimdiginiń qaýlysyna sáıkes, qala ákimdigi janynan Astana qalasynyń lańkestikke qarsy komıssııasy quryldy. Komıssııanyń tóraǵasy - shahar basshysy Imanǵalı Tasmaǵambetov. Atalǵan komıssııa quramyna Astana qalasy ákiminiń orynbasarlary, aýmaqtyq bólimshelerdiń basshylary, jergilikti ózin-ózi basqarý organdarynyń ókilderi kirdi», - dedi Astana qalasy ákiminiń apparaty memlekettik-quqyqtyq bólim jetekshisi Dáýlet Dosqulov.
Bul komıssııa ortalyq-memlekettik organdardyń jáne jergilikti basqarý organdarynyń lańkestiktiń aldyn alý jónindegi qyzmetterin úılestirýdi júzege asyrady. Komıssııanyń mindeti - lańkestikke qarsy áreket etý salasynda memlekettik saıasatty oryndaý bolyp tabylady.
