«Astana» Qytaıdyń segiz márte chempıonyna jaýapsyz 6 gol soqty
ASTANA. QazAqparat - «Astana» BAÁ-de ótip jatqan oqý-jattyǵý jıyndaryndaǵy joldastyq kezdesýde Qytaıdyń «Lıaonın Hývın» komandasymen oınady, dep jazady Sports.kz.
Qytaıdyń Sýperlıgasynda óner kórsetetin «Lıaonın Hývın» óz elderiniń segiz márte chempıony jáne Azııa Chempıondar Lıgasynyń jeńimpazy bolyp sanalady.
«Astana» klýbynyń quramynda oınaǵandar: Erıch, Malyı, Postnıkov, Beısebekov, Zaınýtdınov, Klıaınhaısler, Stanoevıch, Martýzaev, Mujyqov, Pertsýh, Şetkın.
Oıyn bastala salysymen shabýylǵa shyqqan Stanımır Stoılovtyń komandasy tek 33 mınýtta esep ashty. Gol avtory - ıÝrıı Pertsýh. Odan keıin Baqtııar Zaınýtdınov, Alekseı Şetkın jáne Roman Mýrtazaev qatarynan gol soqty. Birinshi taım 4:0 esebimen aıaqtaldy.
Ekinshi taımda astanalyqtar oıynshylar quramyn ózgertti. Tartysty ótken ekinshi taımda Djordje Despotovıchpen Marın Tomasovtyń avtorlyǵymen eki gol soǵyldy.
«Astana» osy jıynda «Spartak» (3:2), «Krasnodar» (3:1) kórsetkishterimen jeńiske jetse, slovenııalyq «Jılına» klýbynan (0:1), Shvedtiń «Hekken» komandasynan (0:2) esebimen jeńilip qaldy. Endi astanalyqtardy 8 aqpanda qytaılyq «Shandýn Lýnen Taıshan» klýbymen bolatyn kezdesý kútip tur. Budan keıin «Astana» elge oralyp óz alańynda portýgaldyq «Sportıngti» qabyldaıdy.
