«Astana Qyrǵyzstan sýretshileriniń ónerinde» atty kórme ashyldy
ASTANA. 6 maýsym. QazAqparat - Búgin elorda kúnine oraı «Astana Qyrǵyzstan sýretshileriniń ónerinde» atty kórmeniń ashylý rásimi ótti.
Saltanatty sharaǵa qatysqan QR Mádenıet jáne aqparat mınıstri Muhtar Qul-Muhammed: «Búgingi kórmeni Astanadaǵy qyrǵyz áserleri dep aıtýǵa bolady. Astanany kúndiz de, túnde de, jyldyń tórt mezgilinde de shyn júrekpen, týysqandyqpen, dostyq kózben qaraı bilgen adamdardyń júreginen ǵana osyndaı kartınalar shyǵady dep oılaımyn», - dep atap ótti.
Astananyń halyqaralyq qoǵamdastyqtaǵy jeke brendin pash etý maqsatynda uıymdastyrylǵan kórmege Qyrǵyzstannyń tanymal 17 qylqalam sheberiniń 70-ten astam týyndysy qoıylǵan.
Sharaǵa Qyrǵyzstannyń mádenıet mınıstri Qazaqstandaǵy elshisi, sýretshileri, elimizdiń syrtqy ister mınıstrliginiń laýazymdy tulǵalary, halyq qalaýlylary, elordada tirkelgen dıplomatııalyq ókildikterdiń ókilderi qatysty.
Kórme maýsymnyń 26-syna deıin jalǵasady.
