Astana qutqarýshylary EKSPO-qalashyǵyndaǵy jattyǵýlardyń jaı-japsaryn áńgimeledi (FOTO)
ASTANA. QazAqparat - EKSPO-qalashyǵyndaǵy órt sóndirý-taktıkalyq jattyǵýlaryna 50 qutqarýshy jáne 15 birlik tehnıka jumyldyryldy.
Astana TJD-dan habarlaǵandaı, jattyǵý sharttary boıynsha qutqarýshylar dıametri 80 metrlik, shar tárizdi ǵımarat túrinde salynǵan «Qazaqstan» ortalyq pavılonyndaǵy órtti sóndirýi tıis boldy.
«Jattyǵýlarda kózdelgendeı, kórme kesheniniń 6-qabatynda dánekerlerý jumystaryn júrgizý kezinde qurylys materıaldary órtendi. Dabyl qaǵylyp, oqıǵa ornyna Órt sóndirý jáne apattyq qutqarý qyzmetiniń órt sóndirý jasaqtary, Medıtsınalyq apattar ortalyǵynyń jáne Ortalyq óńirlik aeroutqyr jedel-qutqarý qyzmetiniń bólimsheleri kelip jetti. Ǵımarattyń 5-7-shi qabattarynyń kúshti tútindegeni baıqaldy, 2 adam zardap shekti. Qurylys materıaldarynyń janýyna baılanysty jalyn ǵımarattyń baspaldaqtary arqyly taraldy. 15 adam qutqaryldy», - dep áńgimeledi Astana TJD-da jattyǵýlardyń men-jaıy týraly.
Bul jattyǵýdyń maqsaty EKSPO nysandarynda shartty órtti joıý jáne bıik ǵımarattarda órt sóndirýdiń jańa tehnıkalaryn qoldaný jónindegi is-qımyldy pysyqtaý boldy.
Jattyǵý aıaqtalǵannan keıin ishki ister mınıstriniń orynbasary ıÝ. Ilın órt sóndirý qyzmetiniń basshylyǵymen birlesken jattyǵýǵa taldaý jasady jáne qyzmetterdiń ózara is-qımyly máseleleri talqylandy.
