Astana qurylysynda týdy turmystyq maqsatta paıdalanǵan joq - Ákimdik
ASTANA. QazAqparat - Astana qalasy ishki saıasat basqarmasynda BAQ-ta sol jaǵalaýda Bas prokýratýra ǵımaraty janyndaǵy qurylysta Qazaqstannyń memlekettik týyn eden jýatyn shúberek retinde paıdalandy dep jarııalaǵan aqparatqa túsinikteme berdi.
Astana q. Esil aýdany ІІB JPQ qyzmetkerleri salynyp jatqan nysandy tekserdi. Syǵanaq kóshesiniń ońtústigine qaraı Orynbor kóshesi boıynsha «Qonaqúı-keńse kesheni» nysanynda qurylys-montajdaý jumystaryn júrgizip jatqan «Agulan PVC» JShS qurylys fırmasynyń dırektory Hamıtov atalǵan fakti boıynsha túsinik berdi.
Qazaq oıýy bar kógildir tústi mata memlekettik tý emes ekeni, budan buryn kıiz úıge jamylǵy retinde paıdalanǵany anyqtaldy. Mata jaramsyz bolǵan soń ony qorshaýdy bezendirý úshin paıdalanǵan.
Qazir ony qurylys alańynda shymyldyq retinde paıdalanýda.
Astana ishki saıasat basqarmasynda QR Qylmystyq kodeksine sáıkes QR memlekettik nysandaryn qorlaǵany úshin eki myń aılyq eseptik kórsetkish kóleminde aıyppul salynady, ne sol mólsherde túzeý jumystaryna tartylady, ne eki jylǵa deıin bostandyǵynan shekteledi ne sol merzimge bas bostandyǵynan aıyrylatynyn eskertti.
