Astana qurylystarynda 6 jumysshy bıiktikten qulady
ASTANA. QazAqparat - Astanadaǵy qurylystarda 6 jumysshy bıiktikten qulap ketti, dep habarlady QR TJM baspasóz qyzmeti.
Atap aıtqanda, «Fasad Ekspo» JShS-nyń «Mıllenıým park» TK qurylysyn júrgizip jatqan úsh jumysshysy 3-qabattan qulap ketti.
Sondaı-aq Irchenko jáne Jeltoqsan kósheleriniń qıylysynda ornalasqan nysanda 12 sáýir kúni 14 saǵat 15 mınýtta «Fasad Ekspo» JShS-nyń úsh jumysshysy 9-qabattan qulady. Zardap shekkender aýrýhanaǵa jatqyzyldy.
Osy kúni 15 saǵat 50 mınýtta Orynbor jáne Kereı, Jánibek handar kósheleriniń qıylysyndaǵy mektep qurylysynda montajdaý jumystarymen shuǵyldanyp jatqan «Lıbher grýpp» JShS jumysshysy baıqaýsyzda 9 metrlik bıiktikten qulaǵan. Ol aýrýhanaǵa jetkizildi.
