«Astana» qurlyqtyq komandasynyń veloshabandozy «Týr de l'En» kópkúndiginiń 3-shi kezeńinde máre syzyǵyn ekinshi bop kesip ótti
ALMATY. 10 tamyz. QazAqparat - Velosporttan Frantsııada ótip jatqan 24-shi «Týr de l'En» kópkúndiginiń búgin Nantıýa men Setmonsel aralyǵyndaǵy 156,7 shaqyrymdyq 4-shi kezeńi ótip jatyr.
Beısenbi kúni Belle - Monreal-lıa-Klıýz aralyǵyndaǵy 154,5 shaqyrymdyq 3-shi kezeńde «Astana» qurlyqtyq komandasynan eń joǵary nátıjege Alekseı Lýtsenko qol jetkizdi. Taýly jiktelimde birinshi orynda kele jatqan ol, jarystyń jalpy jikteliminde qazir úzdik ondyqty túıindep tur. Onyń komandalas serikterinen bul tizimde Aleksandr Sheshemoın 69-shy, Arman Kamyshev 70-shi, Danııl Fomınyh 72-shi, Nıkıta Ómirbekov 73-shi, Nazar Jumabekov 77-shi orynda keledi.
Ceısenbi kúni bastalǵan bul baıraqty básekeniń senbi kúni 5-kezeńi ótedi. Sen-Klod pen Leleks aralyǵyndaǵy bul saıys 132,4 shaqyrymdy quramaq. Qazir negizgi jiktelimde «STB» komandasynyń ıspanııalyq veloshabandozy Danıel Navarro 9 saǵat 28 mınýt 4 sekýndpen kósh bastap kele jatyr. Odan A.Lýtsenko 15 sekýnd qana artta keledi.
