Astana qurylysy
QazAqparat «Tarıhı foto» aıdarynda Astana qalasynyń qurylysy týraly áńgimeleıdi.
Elimiz táýelsizdik alǵannan keıin Almaty el astanasyna qoıylatyn birneshe talaptarǵa saı kelmedi: qala ortalyqta emes, eldiń ońtústik-shyǵysynda Qyrǵyzstan jáne Qytaımen shekaralas jerde ornalasqan. Qalanyń ekologııalyq jáne seısmıkalyq jaǵdaıy da nashar.
Jańa astanany tańdaǵan kezde Nazarbaev 32 krıterııdi ustandy: áleýmettik-ekonomıkalyq kórsetkishter, klımat, landshaft, seısmıkalyq jaǵdaılar, damý perspektıvalary, adam resýrstary jáne basqalar.
1994 jyly 6 shildede Qazaqstan Joǵarǵy Keńesi astanany Almatydan Aqmolaǵa kóshirý týraly qaýly qabyldady. Qurylys jospary boıynsha birinshi kezeńde Aqmolada 175 nysannyń qurylysy josparlansa, onyń 102-si 1996 jyly aıaqtalyp, paıdalanýǵa berilýi tıis bolatyn. Biraq bastapqyda klımattyq jaǵdaıǵa jáne qurylysshylardyń tájirıbesiniń bolmaýyna baılanysty qurylys baıaý júrdi. 1997 jyly 10 jeltoqsanda astanany kóshirý týraly túpkilikti sheshim qabyldandy. Aqmolanyń jańa astana retinde halyqaralyq tusaýkeseri 1998 jyly 10 maýsymda ótti.
