«Astana» quramyna jańa eki fýtbolshy qosyldy
NUR-SULTAN. QazAqparat - Elordalyq «Astana» jańa fýtbolshylarmen tolyqty, dep habarlaıdy QazAqparat klýbtyń baspasóz qyzmetine silteme jasap.
Komanda basshylyǵy armenııalyq Tıgran Barsegıan jáne belarýstik Maksım Ebongpen kelisim-shartqa otyrdy.
Qazaqstandyq jankúıerler Tıgran Barsegıandy byltyr Qyzylordanyń «Qaısar» komandasynda oınaǵan kezinen jaqsy tanys. Ótken jyly ol qyzylordalyq klýbtyń Qazaqstan kýbogyna ıe bolýyna úlken sińirdi.
Ol qyzylordalyq klýbtan bólek Armenııanyń «Banants», «Gandzasar», «Mıka», Makedonııanyń «Vardar» komandalarynda oıyn kórsetken.
T. Barsegıan Armenııa quramasy sapynda 28 oıynda qarsylastar qaqpasyna 5 gol soqqan. Elordalyq klýb jartylaı qorǵaýshymen eki jylǵa kelisim-shartqa qol qoıdy.
M. Ebong fýtboldaǵy alǵashqy qadamyn 2018 jyldyń 11 naýryzynda Belarýstiń «Shahter» (Solıgorsk) komandasynda bastaǵan. Sol eldiń ulttyq quramasy sapynda Ýels pen Nıderlandyǵa qarsy eki oıyn ótkizdi. Al Belarýs jastar quramasynda 9 oıynda 1 goldyń avtory atandy.
Sondaı-aq, bıyl «Astana» komandasynyń bas bapkeri qyzmetine cheh mamany Mıhal Bılek keldi.
