«Astana» quramasynyń veloshabandozy júk kóligimen soqtyǵysty
ASTANA. 12 sáýir. QazAqparat - Qazaqstandyq «Astana» quramasynyń veloshabandozy Enrıko Gasparotto «Amstel Gold Reıs» dodasynyń aldyndaǵy jattyǵý kezinde apatqa ushyrady.
Bul týraly velotoptyń resmı saıtyna silteme jasaǵan Vesti.kz tilshileri málimdep otyr.
Italıandyq veloshabandoz «Astana» quramasynyń sporttyq dırektory Stefano Dzanınımen birge Komo ózeniniń mańynda jattyqqan. Alaıda tas jolǵa kenetten tasymal fýrgony shyqqan eken. Dzanını óziniń skýteriniń tejegishin basyp úlgergen, al Gasporotto jyldamdyqty azaıta almaı, aldymen júk kóligine soǵylyp, keıin jolǵa qulaǵan.
Abyroı bolǵanda veloshabandoz jeńil jaraqattarmen qutyldy. «Tejegishti basý múmkin bolmady. Biz saǵatyna 40-50 shaqyrym jyldamdyqpen júrdik. Soqtyǵysýdan qutylý múmkin emes edi. Baǵyma qaraı, qatty zardap shekken joqpyn. Qazir denem azdap aýyrady. Búgin dárigerge qaralmaqpyn, jeksenbige deıin jaǵdaıym jaqsaratyn shyǵar», - deıdi Gasporotto.
Sondaı-aq, ıtalıandyq veloshabandoz atalmysh jaǵdaıda Dzanınıdiń júk kóligi júrgizýshisin zaqymdap almaýyn qatty ýaıymdaǵanyn alǵa tartty. «Men úshin aldaǵy apta jyl ishindegi mańyzdy kúnderge aınalmaq. Sondyqtan jattyǵýlarǵa da myqtap kirisken edim. Júk kóliginiń júrgizýshisine bul meniń jumysym, velosıpedke erikkennen otyrmaıtynymdy túsindirdim. Daýys ta kóterýge týra keldi. Biraq ol bizdiń kásibı sporttaǵy barymyzdy salatynymyzdy túsinbeıdi».
«Astana» quramasynan «Amstel Gold Reıs» kóp kúndik velojarysyna qatysatyndar:
1. ıAkob Fýlsang (Danııa)
2. Enrıko Gasparotto (Italııa)
3. Franchesko Gavatstsı (Italııa)
4. Andreı Grıvko (Ýkraına)
5. Maksım Iglınskıı (Qazaqstan)
6. Alekseı Lýtsenko (Qazaqstan)
