«Astana» quramasynyń ókilderi «Silk Way Rally 2010» rallı marafonynda úzdik nátıje kórsetti
ALMATY. Qyrkúıektiń 23-i. QazAqparat /Erbol Azanbek/ -Dakar 2010 serııasyna kiretin «Silk Way Rally 2010» rallı marafony barysynda Qazaqstandyq pılot Artýr Ardavıchýs joǵary nátıje kórsetti, dep habarlaıdy QazAqparat.
Sankt-Peterbýrgtan Sochıge deıin ótken jarys jolynyń qorytyndysy boıynsha Ardavıchýstiń ekıpajy máre syzyǵyn 6-shy bolyp qıǵan. Esterińizge sala keteıik Artýr Ardavıchýs jarys jolyna «KAMAZ-Master» komandasynyń quramynda shyqqan bolatyn. Jarys qorytyndysy boıynsha birinshi oryn Edýart Nıkolaevtyń, ekinshi, úshinshi oryndar Dakardyń birneshe márte jeńimpazdary Chagın men Kabırovtyń tobyna buıyrǵan. Jerlesimizdiń komandasy jarys jolyna tuńǵysh ret shyqqanyn eskersek, 6-shy oryn eń úzdik nátıje ekendigi daýsyz. Rallı-reıdke qatysý úshin qurylǵan «Astana» komandasynyń múshesi bolyp tabylatyn Artýr Ardavıchýs jarys jolynda jınaqtalǵan tájirıbesin «Astana» sapynda paıdalanatynyn aıtady. «Astana» quramasynyń taǵy bir múshesi Janat Jálimbetov te osy jarysta birikken «KAMAZ-Master» tobynyń quramynda mehanık retinde qatysqan. Onyń aıtýynsha «Silk Way Rally 2010» rallı marafony úlken tájirıbe bolǵan. «Bul jolǵy saıys aldaǵy «Dakar» marafonyna úlken daıyndyq boldy» deıdi Janat.
