Astana quramasy - velotrekten Qazaqstan chempıony
ASTANA. QazAqparat - «Saryarqa» respýblıkalyq velotreginde Qazaqstan chempıonaty ótkizildi. Sharany uıymdastyrýshy - QR Sport jáne dene shynyqtyrý isteri agenttigi men qazaqstandyq velosport federatsııasy.
Jalpy komandalyq esepte Astana quramasy birinshi oryn aldy. Sportshylar trektiń úsh túri boıynsha - medıson, gıt jáne sprıntrlik jarystarynda synǵa tústi. Medısonda juptasyp jarysýdan erler arasynda Ońtústik Qazaqstan oblysynyń veloshabandozdary Dıas Ómirzaqov pen Sultanmurat Myrzalıev kósh bastady. Al jasóspirimder arasynda Vadım Pronskıı men Tımýr Qýatov úzdik atandy.
Gıt báıgesinde 1000 metrlik qashyqtyqqa juptasyp básekelesýden astanalyq Zakı Sultanov pen Edýard Rozenberg top jardy. 500 metrlik qashyqtyqta Amelııa Sultanova el chempıony atandy.
Sonymen qatar, skretch pen sprınterlik jarystar uıymdastyryldy. 7,5 shaqyrymdyq skretch básekesinde Ivan Zaıtsev (Astana) pen Janerke Sanaqbaeva (Qaraǵandy) birinshi oryn aldy.
Budan basqa, Janerke qyzdar arasyndaǵy sprınterlik báıgede de top jardy. Al onyń jerlesi Kırıll Rýdder sprınterlik synda jeńimpaz atandy.
El birinshiliginde jalpy komandalyq esepte birinshi oryndy Astana velotrekshileri jeńip aldy. Ekinshi oryn - Almaty oblysynyń sportshylaryna, al qyzylordalyqtarǵa úshinshi oryn buıyrdy, dep habarlady actana.kz
