Astana quramasy Qazaqstandyq boks federatsııasy Kýbogynyń aqtyq synynda kósh bastady

Bul - QBF kýbogynyń tórtinshi maýsymyndaǵy ekinshi jeńis. Astana 2010 jyly birinshi maýsymda óńirlik boks federatsııalarynyń arasynda chempıon atanǵan bolatyn. Bul týraly astana.kz saıtyna qalalyq Týrızm, dene shynyqtyrý jáne sport basqarmasynan habarlady.

14-15 jeltoqsanda Astanada «Dáýlet» sport kesheninde 4 komandanyń arasynda jartylaı fınaldyq jáne fınaldyq kezdesýler ótti. Jartylaı fınalǵa qatysatyn tórt komandanyń úsheýi buǵan deıin de Qazaqstandyq boks federatsııasynyń júldelerin ıelengen bolatyn. Astana qalasynyń quramasy 2010 jyly, Qaraǵandy oblysy 2011 jyly, Mańǵystaý oblysynyń ókilderi 2012 jyly atalǵan Kýbokty jeńip alǵan edi. Ońtústik Qazaqstan oblysynyń quramasy eki ret (2010, 2012 j.j.) osy jarystyń aqtyq synyna deıin jetken.

Jartylaı fınaldyń birinshi matchta qosymsha kezdesýdiń qorytyndysy boıynsha Astana qalasynyń quramasy 6:5 esebimen ońtústikqazaqstandyqtardan basym tústi.

Al Qaraǵandy oblysynyń komandasy 7:3 esebimen Mańǵystaý oblysynyń bylǵary qolǵap sheberlerine ese jiberdi.

15 jeltoqsanda Astana quramasy Mańǵystaý oblysynyń sportshylarymen judyryqtasyp, 6:4 esebimen jeńip, Qazaqstandyq boks federatsııasy Kýbogyna ekinshi ret qol jetkizdi.

Jeńimpazdarǵa Kýbokty Qazaqstandyq boks federatsııasynyń vıtse-prezıdenti Serik Qonaqbaev tabys etti. Elordalyq komandanyń sapynda Azat Kamzın (49 kg), Іlıas Súleımenov (52 kg), Meıirbolat Toıtov (56 kg), Meıirim Nursultanov (69 kg), Vasılıı Levıt (91 kg) pen Ermek Úsenov (+91kg), al Mańǵystaý oblysynyń quramasynan 2013 jylǵy Álem chempıonatynyń júldegeri Berik Ábdirahmanov (60 kg), Jánibek Ájibaı (64 kg), Erik Áljanov (75 kg) jáne Olımpıada-2012 men sońǵy eki Álem chempıonatynyń fınalısti Ádilbek Nııazymbetov (81 kg) aqtyq synda jeńiske jetti.