Astana kúninen arnalǵan merekelik sharalardyń kestesi: birinshi kún

Merekelik is-sharalar «Kerýen» saýda, oıyn-saýyq ortalyǵynyń kınoteatrynda saǵat 12.00-de «Báıterek» mýltıplıkatsııalyq fılmin kórsetýden bastalady. Atalmysh fılmdegi basty nysan kópshilikke keńinen tanymal «Báıterek» monýmenti. Sıýjet jelisi boıynsha fantastıkalyq teris kúshter Táýelsizdik kúni merekesine balta shappaq bolady. Dushpandar jospar boıynsha beıbitshilik pen molshylyqtyń belgisi bolǵan «Báıterek» ómir aǵashynyń ushar bıigindegi alyp Samuryq qusynyń kún tárizdi altyn tústes jumyrtqasyn urlaýy tıis. Sol arqyly álemde alasapyran ornatyp, onyń astan-kesteńin shyǵarmaq bolady.

«Báıterekte» qazaq ertegilerindegi keıipkerler jańa qyrynan kórsetilmek. Onda sondaı-aq, Astana qalasynyń jaýharlary «Pıramıda» (Beıbitshilik pen kelisim saraıy), «Ushqysh tárelke» (Tsırk ǵımaraty) jáne «Han Shatyr» syndy ǵajaıyp qurylys nysandary kezdesetin bolady.

Al saǵat 16.00-de Astanalyq tsırkte «Azııa jańǵyryǵy» atty tsırk óneriniń dástúrli halyqaralyq festıvali bastalyp, onda Qazaqstan, Reseı, Qytaı, Ózbekstan jáne Qyrǵyzstan elderiniń tsırk óneriniń maıtalmandary, álemdik festıvalderdiń júldegerleri men laýreattary, tsırkti ómirine serik etken áýletterdiń urpaqtary óner kórsetetin bolady. «Azııa jańǵyryǵy» - túrli akrobattyq trıýktar men baǵdarlamalar kórsetetin álemniń talantty ártisterin jınaıtyn biregeı shoý. Mundaı tsırk óneri festıvaliniń balamasy búginderi tek Máskeýde ǵana bar. Álemniń bes elinen kelgen ártister apta boıy ózderiniń biregeı baǵdarlamalarymen Astananyń turǵyndary men qonaqtaryna qýanysh syılaıtyn bolady.

1 shilde bıyl astanalyqtar úshin asa erekshe oqıǵadan bastalmaq. Búgin Tımýr Bekmambetovtyń ekshn-fılmderdiń halyqaralyq festıvali shymyldyǵyn ashady. Astanada ekinshi ret ótkeli otyrǵan «ASTANA» atty halyqaralyq festıvaldiń qyzyl kilemi bıyl Beıbitshilik jáne kelisim saraıynyń aldyna tóseledi. Onymen búgin saǵat 18.00-de Gollıvýdtyń belgili kıno juldyzdary Stıven Sıgal, Mıshel Rodrıgez, Maıkl Mendsen jáne Armand Assante, reseılik taraptan Dmıtrıı Nagıev, Nıkolaı Valýev, Marat Basharov, Egor Konchalovskıı, Sergeı Svetlakov, Gosha Kýtsenko, Ekaterına Strıjenova, Vıktor Verjbıtskıı sondaı-aq, qazaqstandyq taraptan Dosqan Joljaqsynov, Asanáli Áshimov, Venera Nyǵmatýlına, Erik Joljaqsynov, Farhat Ábdraımov, Ásel Saǵatova, Ámir Qaraqulov, Ahan Sataev, Igor Vovnıanko jáne Ardaq Ámirqulov júrip ótedi.

Uıymdastyrýshylar taratqan aqparatqa súıensek, jankúıerlerge juldyzdarmen birge sýretke túsýge jáne qoltańbalaryn alýǵa múmkindik beriledi. Festıvaldiń ashylý saltanatyn júrgizý Marat Basharov pen onyń qazaqstandyq áriptesi Qarlyǵash Muhamedjanovaǵa senip tapsyryldy.

Ekshn-fılmderdiń sherýin Egor Konchalovskııdiń «Qazaqfılm» kınostýdııasynda túsirilgen qazaqstandyq «Vozvraşenıe v A» atty fılmi bastaıdy. Qazaqstandyq kınolenta alǵashqy ret 3D formatynda kórsetiletin bolady. Festıvaldi Kemeron Dıaz pen Djastın Tımberleıktiń basty rólderdi somdaýyndaǵy «Ochen plohaıa ýchılka» komedııasy aıaqtaıdy.

1-5 shilde aralyǵynda ótetin festıval barysynda barlyǵy 21 fılm kórsetiledi. Gala-premeralarǵa abonementterdiń quny 500 teńgeni quraıdy. Uıymdastyrýshylardyń aıtýynsha, bıletterdiń satylymynan túsken qarajattar qaıyrymdylyq maqsattarǵa jumsalmaq.

Keshki saǵat 19.00-de Kongress-Holl saraıynda «Іnjý-marjan» halyq áýenderiniń kontsertinde Qaırat Baıbosynov, Sáýle Janpeıisova, Nurjan Janpeıisov, Ramazan Stamǵazıev syndy belgili ánshi-termeshiler Prezıdent Nursultan Nazarbaevtyń «Mádenı mura» baǵdarlamasy aıasynda dúnıege kelgen «Qazaqtyń dástúrli myń áni» antologııasyna engen qazaq ánderin shyrqaıtyn bolady.

Sondaı-aq, 19.00-de «Qazaqstan» Ortalyq kontsert zalynda Nurjamal Úsenbaevanyń shyǵarmashylyq kontserti ótedi. Ánshi ónersúıer qaýymnyń ystyq yqylasyna bólenip úlgergen ándermen birge jańa kompozıtsııalardy da oryndaıtyn bolady. Opera juldyzy ánderiniń birin Prezıdent Nursultan Nazarbaevqa arnamaq.