Astana kúnine tartý retinde almatylyqtar Nursultan shyńyn baǵyndyrady
ALMATY. QazAqparat - Almatylyqtar 7 shildede bıiktigi 4376 metr bolatyn «Nursultan» shyńyna shyqpaq. Osylaısha almatylyqtar Astana kúnine tartý jasamaq, dep habarlaıdy QazAqparat tilshisi.
«Almaty Sporty» áleýmettik jobasy men Almaty qalalyq sport basqarmasy atalǵan Alpınıadaǵa qatysýǵa barlyq alpınıster men haıkıng súıetin azamattardy, qonaqtardy shaqyrady.
Bul sapar jańadan bastap kele jatqan sportshylar úshin 2A sanatyndaǵy kúrdeli sapar bolmaq. Oǵan mindetti túrde alpınısterdiń qatysýymen barýǵa keńes beriledi.
Taýǵa 12 jastan asqan balalarǵa da shyǵýǵa ruqsat beriledi. Biraq, qastarynda eresek adamdar bolýy shart.
«Sportshylarǵa kaska, qara kózildirik, kúnnen qorǵaıtyn krem, taýǵa kıetin báteńke, jelden qorǵaıtyn kostıým, shańǵy taıaǵy, iship jeıtin zattar alyp shyǵý kerek. Jartasty ýchaskelerden tek kaskasy men saqtandyrý quraly barlarǵa ǵana ótýge ruqsat beriledi. Alpınıadaǵa qatysý úshin www.falp.kz saıtynda tirkelý kerek. Almaty sporty saıtynan 8727 291 33 24, 8747 380 47 81 aqparat alýǵa bolady», - delingen habarlamada.
Alpınıada baǵdarlamasy:
Tańǵy 05:30-da qatysýshylar Medeý (1600m) - Shymbulaq (2380m) - Talǵar asýy (3200m) - Bogdanovıch muzdyǵy (3600m) - odan ári Marshrýt-1 nemese Marshrýt-2 boıynsha jyljıdy.
- Marshrýt-1: Bogdanovıch muzdyǵy - Komsomol asýy (4000m) - Nursultan shyńy, 4376m;
- Marshrýt-2: Bogdanovıch muzdyǵy - Fızkýltýrnık asýy (4000) - QHA shyńy, 4068m (Fızkýltýrnık).
Foto: falp.kz
