Astana kúnine oraı túrkistandyq búldirshinder úshin 120 oryndyq balabaqsha ashyldy
ASTANA. QazAqparat - Túrkistan qalasy, Shornaq aýyldyq okrýgine qarasty Qosmezgil eldimekeni turǵyndarynyń qýanyshtary eselene tústi. Munda «Astana kúni» merekesi qarsańynda 120 oryndyq «Altyn saqa» balabaqshasy el ıgiligine paıdalanýǵa berildi.
Bul týraly OQO ákiminiń baspsóz qyzmeti habarlady.
Jergilikti qazynadan 241 mln. teńge qarjyǵa qurylysy júrgizilgen búldirshinderdiń altyn uıasy zaman talabyna saı jaraqtandyrylyp, balǵyndarǵa qajetti barlyq qurylǵylarmen qamtylǵan.
Aýyl turǵyndarynyń qýanyshyn arttyrǵan osynaý saltanatty sharaǵa qatysqan qala ákimi Á.Óserbaev barsha turǵyndardy merekemen quttyqtap, ǵımarattyń lentasyn saltanatty túrde qıdy.
Bes myńnan asa turǵyny bar qosmezgildikter Elbasyna alǵys aıtyp, Saryarqanyń tórinen Astana salyp, elimizdi yntymaq pen birlikke jumyldyryp, áleýetimizdi arttyryp otyrǵandyǵyn aıtty.
Jalpy Túrkistan qalasy boıynsha bıyl 4 balabaqshanyń qurylysy júrgizilýde. Onyń biri osy «Altyn saqa» balabaqshasy bolsa, qala ortalyǵynan esigin aıqara ashýǵa ekinshi balabaqsha da daıyn tur deıdi shahar basshysy. Al, qasıetti óńirde balalardy balabaqshamen qamtamasyz etý kórsetkishi 81 paıyzǵa jetken.
