Astana kúnine oraı Sozaqta 3 áleýmettik nysan ashyldy
ASTANA. QazAqparat - 6 shilde Astana kúnine oraı Sozaq aýdanynda úsh áleýmettik nysannyń ashylyp, 58 adam jumyspen qamtyldy.
Solardyń biri jeke kásipker Erbol Qarnaqbaev salǵan 150 oryndyq balabaqsha. Ol Sozaq aýylyndaǵy eski mektep ǵımaratyn qaıta kúrdeli jóndeýden ótkizip, aýyl halqynyń ıgiligine paıdalanýǵa berip otyr. Lenta qııý rásiminde aýdan ákimi barsha turǵyndardy bas qalamyz Astana kúnimen quttyqtap, Táýelsizdik jyldary qol jetkizgen jetistikterge toqtalyp ótti, dep habarlaıdy OQO ákiminiń baspasóz qyzmeti.
Zaman talabyna saı jabdyqtalǵan «Erbol» balabaqshasynda balalarǵa qajettiniń barlyǵy bar. Demalys bólmesi, medıtsına kabıneti, ashana, balalardyń óner kórsetetin keń bólmesi, tipti beınebaqylaý kameralaryda ornatylǵan. Munda 46 aýyl turǵyny jumyspen qamtyldy. Osy kúni Qyzemshek kentinde jeke kásipker Qarlyǵash Nurmahanovanyń uıytqy bolýymen 100 oryndyq «Symbat» balabaqshasy ashyldy. Atalǵan balabaqshada búginde 8 adam jumyspen qamtylsa, aldaǵy ýaqytta qyzemtkerler sany artatyn bolady.
Sozaq aýdanynda osy ýaqytqa deıin 3 176 bala - balabaqshamen qamtylyp, «Balapan» baǵdarlamasynyń oryndalýy 85,4 paıyzǵa jetse, búgingi paıdalanýǵa berilip otyrǵan 2 balabaqshamen baǵdarlamanyń oryndalýy 87 paıyzdy qurap otyr. Jyl sońyna deıin taǵy 8 balabaqshany ashý josparlanýda.
Sonymen qatar, Qyzemshke kentinde ashylǵan taǵy bir nysan ol- mal soıý alańy. Jeke kásipker Meırambek Júzbaev basqaratyn mal soıý alańynda 4 adam jumyspen qamtylyp otyr. Shaǵyn mal soıý alańy kúnine 500 kg et ónidiredi. Aldaǵy ýaqytta suranysqa saı, jumysshy sany da kóbeıe túspek.
