Astana kúnine oraı medıtsına qyzmetkerleri men BAQ ókilderi marapattaldy
Karantın talaptaryn qatań saqtaı otyryp, oblystyq ákimdikte ótken sharada aımaq basshysy Ermek Marjyqpaev qazaqstandyqtar úshin mańyzdy mereke sanalatyn astana kúnimen barsha aqmolalyqtardy quttyqtap, elordanyń qalyptasýy men damýyna jəne óńirdiń əleýmettik-ekonomıkalyq damýyna eleýli úles qosqan azamattarǵa alǵys bildirdi. Sondaı-aq, pandemııa kezinde aldyńǵy shepte júrgen medıtsına qyzmetkerleri men BAQ ókilderin QR memlekettik nagradalarymen marapattady.
«Qazir álemdik qaýymdastyqtyń aldynda mańyzdy mindet tur. Koronavırýs pandemııasy mıllıondaǵan adamnyń densaýlyǵyna qaýip tóndirýde. Bul qıyn ýaqytta sizder osy dertpen kúrestiń aldyńǵy qatarynda júrsizder. Kún saıyn bizdiń óńirde vırýstyń taralýymen kúresip, azamattarymyzdyń amandyǵyn saqtap kelesizder. Óz kezeginde memleketimiz sizderge úlken qoldaý kórsetip jatyr», - dep atap ótti aımaq basshysy quttyqtaý sózinde.
Olardyń arasynda Q.Qurmanbaev atyndaǵy Aqmola oblystyq týberkýlezge qarsy dıspanseriniń bas dárigeri Qasymjan Táshmetov «Parasat» ordenimen, Aqmola oblysy densaýlyq saqtaý basqarmasy janyndaǵy «Kókshe» oblystyq ońaltý ortalyǵynyń bas dárigeri Jumabek Mahashev, Býrabaı aýdanyndaǵy «Býrabaı» oblystyq balalardy ońaltý ortalyǵynyń bas dárigeri Qalel Rahmatýlın «Qurmet» ordenimen, Q.Qurmanbaev atyndaǵy Aqmola oblystyq týberkýlezge qarsy dıspanseriniń bólimshe meńgerýshisi Nurlybek Seıtenov pen dárigeri Lılııa Vysotskaıa «Ereń eńbegi úshin» medalimen, Aqmola oblystyq kópbeıindi aýrýhananyń qyzmet basshysy Sarjan Qalmuratov, Q.Qurmanbaev atyndaǵy Aqmola oblystyq týberkýlezge qarsy dıspanseriniń aǵa meıirbıkesi Roza Salyqova «Shapaǵat» medalimen, Aqmola oblystyq týberkýlezge qarsy dıspanseriniń meıirbıkeleri Baqytjan Kenjebolatova men Áıgerim Baımaǵambetova, Kókshetaý qalalyq kópbeıindi aýrýhanasynyń aǵa meıirbıkesi Aqmaral Ysqaqova Qazaqstan Respýblıkasynyń Qurmet gramotasymen nagradtaldy.
Sonymen qatar, Aqmola oblystyq «Kókshe» telearnasy dırektorynyń orynbasary Berik Ábdilmanov jáne osy telearnanyń shef-redaktory Mádına Smaǵulova Qazaqstan Respýblıkasy Prezıdentiniń alǵys hatymen, al «Kókshetaý» qalalyq gazetiniń bas redaktory Serik Jetpisqalıev «Aqparat salasynyń úzdigi» tósbelgisimen marapattaldy.
