Astana kúnine oraı qalalyq sýpermarketterde jurtshylyq úshin jeńildikter qarastyrylýda

Atap aıtqanda, 1-19 shilde aralyǵynda «5 mınýt» sýpermarketinde jeńildikter aktsııasy ótedi. Munda kún saıyn saǵat 20:00-den bastap aspazdyq taǵamdarǵa 30% jeńildik jasalady, sonymen qatar 6 shildede Turan, 24, Jangeldın, 31A, Rysqulbekov, 4 mekenjaılary boıynsha ornalasqan dúkenderde tátti taǵamdardan dám tatýǵa bolady. Astana qalasy Kásipkerlik jáne ónerkásip basqarmasynyń habarlaýynsha, «Ánýar» sýpermarketter jelisiniń barlyq dúkenderinde jeńildikter 17-50% quraıdy. «AqOrda Capital» JShS-inde merekege oraı azyq-túlikterge (sút ónimi - 7-15%, jumyrtqa - 10%, qus eti - 10%, táttiler - 30%, sýsyndar - 20%) 30%-ǵa deıin jeńildikter jasalady. Al elordalyq «Master», «Arýjan» jáne «Han Shatyr» ortalyqtaryndaǵy «Green» saýda jelisi 1-7 shilde aralyǵynda óz taýarlaryn 17% jeńildikpen satady jáne shildeniń 6-sy kúni munda kelýshiler erekshe iltıpat bólinbek: ár satyp alýshyǵa, balalarǵa tátti taǵamdar usynylady. «Astyqjan» saýda ortalyǵynda elorda kúni aıasynda turǵyndarǵa 50% jeńildikter jasalmaq. 1-6 shilde aralyǵynda munda áleýmettik mańyzy bar taýarlarǵa jeńildikter qarastyrylǵan. Sonymen qatar «Small», «A2», «Magným Keshen end Kerı», «Astana mır vkýsa» saýda jelilerinde de aıtarlyqtaı jeńildikter bolady.